वालिङ ११ चैत ।
लायन्स क्लब अफ वालिङ सिटीको चौधौं अधिवेशन सम्पन्न भएको छ । अधिवेशनले अध्यक्षमा स्वाँ श्रेष्ठ चयन हुनुभएको छ । क्लबको १४औँ अधिवेसनले श्रेष्ठको अध्यक्षतामा सन २०२४, २५ को लागि नयाँ समिति चयन गरेको हो । होलीको अवसरमा होली मिलन सहित आयोजना गरिएको अधिवेशनले प्रथम उपाध्यक्षमा पार्वती पंगेनी, द्वितीय उपाध्यक्षमा गोविन्द तिवारी, तृतीय उपाध्यक्षमा फणिनारायण रेग्मी (दीपक), सचिवमा तोलाकान्त बगाले, कोषाध्यक्षमा डण्डपानी पंगेनी, सहसचिवमा इन्द्रप्रसाद भुसाललाई चयन गरेको छ भने अन्य सदस्यहरु रहेका छन् ।
कार्यक्रमको उद्दघाटनका अवसरमा वालिङ नगरपालिकाका निवर्तमान नगर प्रमुख दिलीपप्रताप खांँणले लायन्स विशुद्ध सामाजिक संस्था भएकाले क्लबले स्थापनाकालदेखि नै समाज रुपान्तरणमा महत्वपूर्ण भूमिका खेल्दै आएको बताउनुभयो । मानव सेवामा समर्पित हुँदै आएको लायन्स क्लबले अब वालिङमा आवश्यकता महशुस गरिएको आँखा अस्पताल निर्माणकालागि पहल थाल्नुपर्ने बताउनुभयो ।
कार्यक्रममा क्लबका डिर्पाटमेन्ट चिफ चेतनारायण श्रेष्ठ, क्लबका पूर्व अध्यक्षहरु सीताराम अधिकारी, कविता भुसाल, दीपक लम्साल, चुत्रकुमारी थापा (दुर्गा) लगायतले शुभकामना व्यक्त गर्नुभएको थियो । कार्यक्रम वर्ष २०२३÷२४ का अध्यक्ष विजय कोईरालाको अध्यक्षतामा सम्पन्न भएको थियो भने स्वागत प्रथम उपाध्यक्ष स्वाँ श्रेष्ठ र सञ्चालन सचिव फणिनारायण रेग्मी (दिपक) ले गर्नुभएको थियो ।
