सोह« श्राद्धमा टोल टोलमा गौमुत्र

0
64
Google search engine

तोलाकान्त बगाले
वालिङ, ११ असोज ।
स्याङ्जाको वालिङमा सोह« श्राद्धलाई लक्षित गरी टोल टोलमा गाईको मुत्र र गोबर वितरण गरिएको छ । आफ्ना दिवंगत पितृहरुको स्मरणमा श्रद्धा र सम्मान अर्पण गरिने कार्यमा गाईको गोबर र मुत्र अनिवार्य भएकाले धुनी शिवालय गुठी गौशाला आश्रम र विश्व हिन्दु संघ स्याङ्जाले वालिङका विभिन्न टोल टोलमा गौमुत्र र गोबर उपलब्ध गराएको हो ।
उक्त कार्यक्रममा बोल्नुहुँदै वालिङ नगरपालिकाका उपप्रमुख कविता तिवारी गैह«ेले धार्मिक एवं वैज्ञानिक दृष्टिले गाईको उपयोगी भएको बताउँदै गाईको संरक्षणकालागि नगरपालिकाले सहयोग गर्दै आएको बताउनुभयो ।
जहाँ धर्मसँग जोडिएका कार्यहरु हुन्छन् त्यहाँ अनियमितता नहुने र नैतिकता हुने दावी गर्दै गर्नुभयो । टोल टोलमा गौमुत्र निशुल्करुपमा उपलब्ध गराउनाले धार्मिक र सांस्कृतिक महत्वको संरक्षणमा टेवा पुग्ने विश्वास उहाँले ब्यक्त गर्नुभयो ।

Google search engine

धार्मिक तथा वैज्ञानिक दृष्टिले गोप्रदत्त वस्तुहरुको महत्व रहेकाले सोह« श्राद्धलाई लक्षित गरेर गाईको मुत्र र गोबरलाई छुट्टाछुट्टै पोका बनाएर निशुल्क उपलब्ध गराएको निवर्तमान नगर प्रमुख दिलीपप्रताप खाँणले बताउनुभयो ।
“सोह« श्राद्धका समयमा पितृ कार्यमा आवश्यक पर्ने मुत्र तथा गोबरको ब्यवस्थापन गर्न बजारमा गाई पाल्न छाडेकाले समस्या हुने गरेको छ” उहाँले भन्नुभयो, “वालिङ ८ काफलडाँडामा रहेको गौशालाबाट स्थानीय जातका गाईको मुत्र र गोबर संकलन गरी टोल टोलमा लगेर निशुल्क वितरण गरिएको हो ।”

पछिल्लो समय घर–घरमा गाई पाल्न छाडेकाले पितृ कार्यहरुमा शुद्धाशुद्धिकालागि पनि गाईको मुत्र र गोबर अत्यावश्यक हुने भएकाले गौशालाबाट बजारका टोल टोलमा गौमुत्र वितरण गरिएको विश्व हिन्दु महासंघका केन्द्रीय सदस्य पण्डित नेत्रप्रसाद पराजुलीले बताउनुभयो । “हिन्दु संस्कार अनुसार धार्मिक कार्यहरुमा गाईको महत्व छ, गौमुत्र, गोबरको उत्तिकै महत्व छ” उहाँले भन्नुभयो, “पर्सी शनिबारदेखि आफ्ना दिवंगत पितृहरुको स्मरणमा सोह« दिनसम्म श्रद्धा र सम्मानस्वरुप श्राद्ध गर्ने परम्परा रहेको छ तर गाईको मुत्र र गोबर सहजरुपमा नपाईने भएकाले टोल टोलमै लगेर ईच्छुकहरुलाई वितरण गरेका हौं ।”

गौमाताको संरक्षण गर्न, सोह« श्राद्धमा पितृ उद्दारको लागि गौमुत्र र गोबर मिसाई पञ्चगब्य निर्माण गर्नाले धार्मिक, सांस्कृतिक एवं वैज्ञानिक दृष्टिले उपयोगी हुने भएकाले यसको महत्वलाई जोगाईराख्नकालागि पनि वितरण गरिएको विश्व हिन्दु महासंघ स्याङ्जाका अध्यक्ष हरिहर पाण्डेले बताउनुभयो । पर्सी शनिबारदेछि सोह« श्राद्ध शुरु हुँदैछ ।

Google search engine