वालिङ २२ भदौ ।
माछा मार्ने क्रममा करेन्ट लागेर गएराति स्याङ्जाको वालिङमा एक जनाको मृत्युु भएको छ । जिल्ला प्रहरी कार्यालय स्याङ्जाका सूचना अधिकारी पवलसिंह लामाका अनुसार वालिङ नगरपालिका वडा नं ६ थापाडाँडा बस्ने ३६ वर्षीय यामबहादुर थापाको मृत्युु भएको हो । थापासँगै माछा मार्न गएका अन्य चार जनालाई प्रहरीले पक्राउ गरेको छ । प्रक्राउ पर्नेहरुमा स्याङ्जाको वालिङ ६ थापाडाँडा बस्ने ३६ वर्षीय तिलबहादुर थापा क्षेत्री, पाल्पाको रामपुर नगरपालिका १० बस्ने ३७ वर्षीय दिपेन्द्र अधिकारी, पर्वतको पैंयू गाउँपालिका घर भई हाल वालिङ ६ स्थित तारादेवी ब्लक उद्योगमा काम गर्ने २० वर्षीय अनिल चौधरी र कञ्चनपुर जिल्ला बेलौरी नगरपालिका ६ घर भई सोही ब्लक उद्योगमा काम गर्ने ६० वर्षीय बलदेव राना रहेका छन् । प्रहरीले माछा मार्न प्रयोग हुने तार, रड र बाँसका भाटा नियन्त्रणमा लिएको छ । शवलाई पोष्टमार्टमकालागि वालिङस्थित गह«ौं प्राथमिक अस्पतालमा राखेको छ ।
