वालिङ, १५ साउन ।
स्याङ्जाको वालिङ नगरपालिका वडा नं. ८ को भीमटारीमा रहेको नेपाल आदर्श माध्यमिक विद्यालय सम्मानित भएको छ ।
२०५४ सालमा स्थापना भई नेपालको गुणस्तरीय शिक्षामा गण्डकी प्रदेशको उत्कृष्ट शैक्षिक संस्था २०८१ द्वारा सम्मान गरिएको हो ।
चन्द्रलोक प्रतिष्ठान काठमाडौंले मंगलबार उत्कृष्ट शैक्षिक संस्था सम्मान पत्र २०८१ प्रदान गरेको हो । पूर्व प्रधानमन्त्री माधवकुमार नेपाल, पूर्वमन्त्री अर्जुननरसिंह केसी र चन्द्रलोक प्रतिष्ठानका अध्यक्ष सीताराम कार्कीले सम्मान पत्र नेपाल आदर्श माविका प्रिन्सीपल होमकान्त गौतमलाई प्रदान गर्नुभएको हो ।
प्रविधिमैत्रि प्रतिस्पर्धी र क्षमतावान शैक्षिक जनशक्ति उत्पादनमा संस्थाले अतुलनीय योगदान पु¥याएको भन्दै प्रतिष्ठानले उत्कृष्ट शैक्षिक संस्थाको पुरस्कार प्रदान गरेको हो ।
भौतिक पूर्वाधार, प्राविधिक व्यवस्थापन तथा गुणात्मक शिक्षाको संयोजनबाट प्रदेशस्तरमै उत्कृष्ट शैक्षिक संस्थाकोरुपमा आँफूलाई स्थापित गर्न सफल विद्यालयले आगामी दिनमा प्रतिष्पर्धी शिक्षाको विकासका साथै देशभक्त, आदर्शवान र नैतिकवान शैक्षिक जनशक्ति उत्पादनमा निरन्तर अग्रणी भूमिका निर्वाह गरोस् भन्दै प्रतिष्ठानले नेपाल आदर्श माध्यमिक विद्यालयलाई सम्मान गरेको हो ।
