वालिङ ।
स्याङ्जाको वालिङ ८ मा रहेको आँधीखोला सञ्चार सहकारी संस्था एवं रेडियो आँधीखोला एफएमले शसस्त्र प्रहरी गुल्मका गुल्मपति देवराज जोशीलाई स्वागत गरेको छ । शुक्रबार कार्यालयमा एक कार्यक्रमको आयोजना गरी गुल्मपति जोशीलाई स्वागत गरेको हो । हालै मात्र सरुवा भई आउनुभएका गुल्मपति जोशीलाई स्वागत गर्दै रेडियोका अध्यक्ष नेत्रप्रसाद पाण्डेले समग्र वालिङको शान्ति सुरक्षामा शसस्त्र प्रहरीले खेलेको भूमिका सराहनीय रहेको बताउनुभयो । जिल्लामै सुरक्षा र सञ्चारका माध्यमबाट दुवै संस्थाहरुले महत्वपूर्ण भूमिका खेल्दै आएको बताउनुभयो । गुल्मपति जोशीले शान्ति सुरक्षाका क्षेत्रमा सशस्त्र प्रहरीलाई प्राप्त जिम्मेवारी कुशलतापूर्वक निभाउने प्रतिवद्धता जनाउँदै आवश्यक सूचनाहरु दिएर सहयोग गर्न पनि आग्रह गर्नुभयो । रेडियोका सचिव यमकान्त खनाल, सदस्यद्वय श्रीकृष्ण सिग्देल र शान्ता थापासहित कर्मचारीहरुले स्वागत गर्नुभएको हो ।
सोही कार्यक्रममा रेडियो आँधीखोलाका प्रबन्धक तोलाकान्त बगालेलाई सम्मान गरिएको थियो । नेपाल प्रेस युनियन स्याङ्जाको अध्यक्षमा निर्वाचित हुनभएकोमा प्रबन्धक बगालेलाई सम्मान तथा बधाई व्यक्त गरेको हो ।
